LONGKANKER WAAR ELKE SEKONDE TEL Campaign

'n Paar maande gelede het ek begin met 'n irriterende nat hoes. Verskillende medikasies / behandelings is voorgeskryf, maar niks het gehelp nie. X-strale word van my borskas geneem en ek word na 'n Spesialis in Klerksdorp verwys vir verdere toetse en behandeling. 'n CT scan van my longe toon 2 soliede tumore in my regter-long. 

Ek word vir verdere behandeling verder verwys na die Kardio-toraks chirurg in Kerksdorp. Op 29 November 2023 word 'n regter lobektomie op my uitgevoer (waarvan ek 40 persent van my long verloor), gevolg deur 2 keer wat my regter long platgeval en onderwater dreins ingesit moes word. Uitslag van regter lobektomie is longkanker, a.g.v. melanoom, gevorderde stadium 4. 'n Chemo-port is onder narkose vir my ingeplaas wat daartoe gelei het dat my linker-long ook 2 keer platgeval en onderwater dreins ingesit moes word. Ek was 3 weke in ICU, wat baie traumaties was. 

Die Onkoloog het nou oorgeneem en bespreek behandeling-opsies. As gevolg van die gevorderde longkanker-stadium word Immuno-terapie aanbeveel. Behandeling beloop elke 3 weke via my chemo-port, vir ten minste 18 maande. 

Die behandeling en reiskoste heen-en-weer is ekstra uitgawes waarvoor ons nie die finansies het nie. 

Die uitgawes beloop ongeveer R22,000 per maand x 18 maande = R396,000. Enige finansiële bydrae om hierdie las minder te maak sal opreg waardeer word.